Psalms 81:1
psalmus Asaph Deus stetit in synagoga deorum in medio autem Deus deiudicat
psalmus Asaph Deus stetit in synagoga deorum in medio autem Deus deiudicat
usquequo iudicatis iniquitatem et facies peccatorum sumitis diapsalma
iudicate egenum et pupillum humilem et pauperem iustificate
eripite pauperem et egenum de manu peccatoris liberate
nescierunt neque intellexerunt in tenebris ambulant movebuntur omnia fundamenta terrae
ego dixi dii estis et filii Excelsi omnes
vos autem sicut homines moriemini et sicut unus de principibus cadetis
surge Deus iudica terram quoniam tu hereditabis in omnibus gentibus