1 Kings 4

1 Kings 4:1

erat autem rex Salomon regnans super omnem Israhel

1 Kings 4:2

et hii principes quos habebat Azarias filius Sadoc sacerdos

1 Kings 4:3

Helioreph et Ahia filii Sesa scribae Iosaphat filius Ahilud a commentariis

1 Kings 4:4

Banaias filius Ioiadae super exercitum Sadoc autem et Abiathar sacerdotes

1 Kings 4:5

Azarias filius Nathan super eos qui adsistebant regi Zabud filius Nathan sacerdos amicus regis

1 Kings 4:6

et Ahisar praepositus domus et Adoniram filius Abda super tributa

1 Kings 4:7

habebat autem Salomon duodecim praefectos super omnem Israhel qui praebebant annonam regi et domui eius per singulos enim menses in anno singuli necessaria ministrabant

1 Kings 4:8

et haec nomina eorum Benhur in monte Ephraim

1 Kings 4:9

Bendecar in Macces et in Salebbim et in Bethsemes et Helon Bethanan

1 Kings 4:10

Benesed in Araboth ipsius erat Soccho et omnis terra Epher

1 Kings 4:11

Benabinadab cuius omnis Nepthad Dor Tapheth filiam Salomonis habebat uxorem

1 Kings 4:12

Bana filius Ahilud regebat Thanac et Mageddo et universam Bethsan quae est iuxta Sarthana subter Hiezrahel a Bethsan usque Abelmeula e regione Iecmaan

1 Kings 4:13

Bengaber in Ramoth Galaad habebat Avothiair filii Manasse in Galaad ipse praeerat in omni regione Argob quae est in Basan sexaginta civitatibus magnis atque muratis quae habebant seras aereas

1 Kings 4:14

Ahinadab filius Addo praeerat in Manaim

1 Kings 4:15

Ahimaas in Nepthali sed et ipse habebat Basmath filiam Salomonis in coniugio

1 Kings 4:16

Baana filius Usi in Aser et in Balod

1 Kings 4:17

Iosaphat filius Pharue in Isachar

1 Kings 4:18

Semei filius Hela in Beniamin

1 Kings 4:19

Gaber filius Uri in terra Galaad in terra Seon regis Amorrei et Og regis Basan super omnia quae erant in illa terra

1 Kings 4:20

Iuda et Israhel innumerabiles sicut harena maris in multitudine comedentes et bibentes atque laetantes

1 Kings 4:21

Salomon autem erat in dicione sua habens omnia regna sicut a flumine terrae Philisthim usque ad terminum Aegypti offerentium sibi munera et servientium ei cunctis diebus vitae eius

1 Kings 4:22

erat autem cibus Salomonis per dies singulos triginta chori similae et sexaginta chori farinae

1 Kings 4:23

decem boves pingues et viginti boves pascuales et centum arietes excepta venatione cervorum caprearum atque bubalorum et avium altilium

1 Kings 4:24

ipse enim obtinebat omnem regionem quae erat trans flumen quasi a Thapsa usque Gazam et cunctos reges illarum regionum et habebat pacem ex omni parte in circuitu

1 Kings 4:25

habitabatque Iudas et Israhel absque timore ullo unusquisque sub vite sua et sub ficu sua a Dan usque Bersabee cunctis diebus Salomonis

1 Kings 4:26

et habebat Salomon quadraginta milia praesepia equorum currulium et duodecim milia equestrium

1 Kings 4:27

nutriebantque eos supradicti regis praefecti sed et necessaria mensae regis Salomonis cum ingenti cura praebebant in tempore suo

1 Kings 4:28

hordeum quoque et paleas equorum et iumentorum deferebant in locum ubi erat rex iuxta constitutum sibi

1 Kings 4:29

dedit quoque Deus sapientiam Salomoni et prudentiam multam nimis et latitudinem cordis quasi harenam quae est in litore maris

1 Kings 4:30

et praecedebat sapientia Salomonis sapientiam omnium Orientalium et Aegyptiorum

1 Kings 4:31

et erat sapientior cunctis hominibus sapientior Aethan Ezraita et Heman et Chalcal et Dorda filiis Maol et erat nominatus in universis gentibus per circuitum

1 Kings 4:32

locutus est quoque Salomon tria milia parabolas et fuerunt carmina eius quinque et mille

1 Kings 4:33

et disputavit super lignis a cedro quae est in Libano usque ad hysopum quae egreditur de pariete et disseruit de iumentis et volucribus et reptilibus et piscibus

1 Kings 4:34

et veniebant de cunctis populis ad audiendam sapientiam Salomonis et ab universis regibus terrae qui audiebant sapientiam eius