1 Corinthians 6

1 Corinthians 6:1

audet aliquis vestrum habens negotium adversus alterum iudicari apud iniquos et non apud sanctos

1 Corinthians 6:2

an nescitis quoniam sancti de mundo iudicabunt et si in vobis iudicabitur mundus indigni estis qui de minimis iudicetis

1 Corinthians 6:3

nescitis quoniam angelos iudicabimus quanto magis saecularia

1 Corinthians 6:4

saecularia igitur iudicia si habueritis contemptibiles qui sunt in ecclesia illos constituite ad iudicandum

1 Corinthians 6:5

ad verecundiam vestram dico sic non est inter vos sapiens quisquam qui possit iudicare inter fratrem suum

1 Corinthians 6:6

sed frater cum fratre iudicio contendit et hoc apud infideles

1 Corinthians 6:7

iam quidem omnino delictum est in vobis quod iudicia habetis inter vos quare non magis iniuriam accipitis quare non magis fraudem patimini

1 Corinthians 6:8

sed vos iniuriam facitis et fraudatis et hoc fratribus

1 Corinthians 6:9

an nescitis quia iniqui regnum Dei non possidebunt nolite errare neque fornicarii neque idolis servientes neque adulteri

1 Corinthians 6:10

neque molles neque masculorum concubitores neque fures neque avari neque ebriosi neque maledici neque rapaces regnum Dei possidebunt

1 Corinthians 6:11

et haec quidam fuistis sed abluti estis sed sanctificati estis sed iustificati estis in nomine Domini nostri Iesu Christi et in Spiritu Dei nostri

1 Corinthians 6:12

omnia mihi licent sed non omnia expediunt omnia mihi licent sed ego sub nullius redigar potestate

1 Corinthians 6:13

esca ventri et venter escis Deus autem et hunc et haec destruet corpus autem non fornicationi sed Domino et Dominus corpori

1 Corinthians 6:14

Deus vero et Dominum suscitavit et nos suscitabit per virtutem suam

1 Corinthians 6:15

nescitis quoniam corpora vestra membra Christi sunt tollens ergo membra Christi faciam membra meretricis absit

1 Corinthians 6:16

an nescitis quoniam qui adheret meretrici unum corpus efficitur erunt enim inquit duo in carne una

1 Corinthians 6:17

qui autem adheret Domino unus spiritus est

1 Corinthians 6:18

fugite fornicationem omne peccatum quodcumque fecerit homo extra corpus est qui autem fornicatur in corpus suum peccat

1 Corinthians 6:19

an nescitis quoniam membra vestra templum est Spiritus Sancti qui in vobis est quem habetis a Deo et non estis vestri

1 Corinthians 6:20

empti enim estis pretio magno glorificate et portate Deum in corpore vestro