Revelation 1

20 versículos

Revelation 1:1

apocalypsis Iesu Christi quam dedit illi Deus palam facere servis suis quae oportet fieri cito et significavit mittens per angelum suum servo suo Iohanni

Revelation 1:2

qui testimonium perhibuit verbo Dei et testimonium Iesu Christi quaecumque vidit

Revelation 1:3

beatus qui legit et qui audiunt verba prophetiae et servant ea quae in ea scripta sunt tempus enim prope est

Revelation 1:4

Iohannes septem ecclesiis quae sunt in Asia gratia vobis et pax ab eo qui est et qui erat et qui venturus est et a septem spiritibus qui in conspectu throni eius sunt

Revelation 1:5

et ab Iesu Christo qui est testis fidelis primogenitus mortuorum et princeps regum terrae qui dilexit nos et lavit nos a peccatis nostris in sanguine suo

Revelation 1:6

et fecit nostrum regnum sacerdotes Deo et Patri suo ipsi gloria et imperium in saecula saeculorum amen

Revelation 1:7

ecce venit cum nubibus et videbit eum omnis oculus et qui eum pupugerunt et plangent se super eum omnes tribus terrae etiam amen

Revelation 1:8

ego sum Alpha et Omega principium et finis dicit Dominus Deus qui est et qui erat et qui venturus est Omnipotens

Revelation 1:9

ego Iohannes frater vester et particeps in tribulatione et regno et patientia in Iesu fui in insula quae appellatur Patmos propter verbum Dei et testimonium Iesu

Revelation 1:10

fui in spiritu in dominica die et audivi post me vocem magnam tamquam tubae

Revelation 1:11

dicentis quod vides scribe in libro et mitte septem ecclesiis Ephesum et Zmyrnam et Pergamum et Thyatiram et Sardis et Philadelphiam et Laodiciam

Revelation 1:12

et conversus sum ut viderem vocem quae loquebatur mecum et conversus vidi septem candelabra aurea

Revelation 1:13

et in medio septem candelabrorum similem Filio hominis vestitum podere et praecinctum ad mamillas zonam auream

Revelation 1:14

caput autem eius et capilli erant candidi tamquam lana alba tamquam nix et oculi eius velut flamma ignis

Revelation 1:15

et pedes eius similes orichalco sicut in camino ardenti et vox illius tamquam vox aquarum multarum

Revelation 1:16

et habebat in dextera sua stellas septem et de ore eius gladius utraque parte acutus exiebat et facies eius sicut sol lucet in virtute sua

Revelation 1:17

et cum vidissem eum cecidi ad pedes eius tamquam mortuus et posuit dexteram suam super me dicens noli timere ego sum primus et novissimus

Revelation 1:18

et vivus et fui mortuus et ecce sum vivens in saecula saeculorum et habeo claves mortis et inferni

Revelation 1:19

scribe ergo quae vidisti et quae sunt et quae oportet fieri post haec

Revelation 1:20

sacramentum septem stellarum quas vidisti in dextera mea et septem candelabra aurea septem stellae angeli sunt septem ecclesiarum et candelabra septem septem ecclesiae sunt

Revelation 2