Psalms 56:1
in finem ne disperdas David in tituli inscriptione cum fugeret a facie Saul in spelunca
in finem ne disperdas David in tituli inscriptione cum fugeret a facie Saul in spelunca
miserere mei Deus miserere mei quoniam in te confidit anima mea et in umbra alarum tuarum sperabo donec transeat iniquitas
clamabo ad Deum altissimum Deum qui benefecit mihi
misit de caelo et liberavit me dedit in obprobrium conculcantes me diapsalma misit Deus misericordiam suam et veritatem suam
et eripuit animam meam de medio catulorum leonum dormivi conturbatus filii hominum dentes eorum arma et sagittae et lingua eorum gladius acutus
exaltare super caelos Deus et in omnem terram gloria tua
laqueum paraverunt pedibus meis et incurvaverunt animam meam foderunt ante faciem meam foveam et inciderunt in eam diapsalma
paratum cor meum Deus paratum cor meum cantabo et psalmum dicam
exsurge gloria mea exsurge psalterium et cithara exsurgam diluculo
confitebor tibi in populis Domine psalmum dicam tibi in gentibus
quoniam magnificata est usque ad caelos misericordia tua et usque ad nubes veritas tua
exaltare super caelos Deus et super omnem terram gloria tua