1 Timothy 1

20 versículos

1 Timothy 1:1

Paulus apostolus Christi Iesu secundum imperium Dei salvatoris nostri et Christi Iesu spei nostrae

1 Timothy 1:2

Timotheo dilecto filio in fide gratia misericordia pax a Deo Patre et Christo Iesu Domino nostro

1 Timothy 1:3

sicut rogavi te ut remaneres Ephesi cum irem in Macedoniam ut denuntiares quibusdam ne aliter docerent

1 Timothy 1:4

neque intenderent fabulis et genealogiis interminatis quae quaestiones praestant magis quam aedificationem Dei quae est in fide

1 Timothy 1:5

finis autem praecepti est caritas de corde puro et conscientia bona et fide non ficta

1 Timothy 1:6

a quibus quidam aberrantes conversi sunt in vaniloquium

1 Timothy 1:7

volentes esse legis doctores non intellegentes neque quae loquuntur neque de quibus adfirmant

1 Timothy 1:8

scimus autem quia bona est lex si quis ea legitime utatur

1 Timothy 1:9

sciens hoc quia iusto lex non est posita sed iniustis et non subditis impiis et peccatoribus sceleratis et contaminatis patricidis et matricidis homicidis

1 Timothy 1:10

fornicariis masculorum concubitoribus plagiariis mendacibus periuris et si quid aliud sanae doctrinae adversatur

1 Timothy 1:11

quae est secundum evangelium gloriae beati Dei quod creditum est mihi

1 Timothy 1:12

gratias ago ei qui me confortavit Christo Iesu Domino nostro quia fidelem me existimavit ponens in ministerio

1 Timothy 1:13

qui prius fui blasphemus et persecutor et contumeliosus sed misericordiam consecutus sum quia ignorans feci in incredulitate

1 Timothy 1:14

superabundavit autem gratia Domini nostri cum fide et dilectione quae est in Christo Iesu

1 Timothy 1:15

fidelis sermo et omni acceptione dignus quia Christus Iesus venit in mundum peccatores salvos facere quorum primus ego sum

1 Timothy 1:16

sed ideo misericordiam consecutus sum ut in me primo ostenderet Christus Iesus omnem patientiam ad deformationem eorum qui credituri sunt illi in vitam aeternam

1 Timothy 1:17

regi autem saeculorum inmortali invisibili soli Deo honor et gloria in saecula saeculorum amen

1 Timothy 1:18

hoc praeceptum commendo tibi fili Timothee secundum praecedentes in te prophetias ut milites in illis bonam militiam

1 Timothy 1:19

habens fidem et bonam conscientiam quam quidam repellentes circa fidem naufragaverunt

1 Timothy 1:20

ex quibus est Hymeneus et Alexander quos tradidi Satanae ut discant non blasphemare