1 Corinthians 5

1 Corinthians 5:1

omnino auditur inter vos fornicatio et talis fornicatio qualis nec inter gentes ita ut uxorem patris aliquis habeat

1 Corinthians 5:2

et vos inflati estis et non magis luctum habuistis ut tollatur de medio vestrum qui hoc opus fecit

1 Corinthians 5:3

ego quidem absens corpore praesens autem spiritu iam iudicavi ut praesens eum qui sic operatus est

1 Corinthians 5:4

in nomine Domini nostri Iesu Christi congregatis vobis et meo spiritu cum virtute Domini Iesu

1 Corinthians 5:5

tradere huiusmodi Satanae in interitum carnis ut spiritus salvus sit in die Domini Iesu

1 Corinthians 5:6

non bona gloriatio vestra nescitis quia modicum fermentum totam massam corrumpit

1 Corinthians 5:7

expurgate vetus fermentum ut sitis nova consparsio sicut estis azymi etenim pascha nostrum immolatus est Christus

1 Corinthians 5:8

itaque epulemur non in fermento veteri neque in fermento malitiae et nequitiae sed in azymis sinceritatis et veritatis

1 Corinthians 5:9

scripsi vobis in epistula ne commisceamini fornicariis

1 Corinthians 5:10

non utique fornicariis huius mundi aut avaris aut rapacibus aut idolis servientibus alioquin debueratis de hoc mundo exisse

1 Corinthians 5:11

nunc autem scripsi vobis non commisceri si is qui frater nominatur est fornicator aut avarus aut idolis serviens aut maledicus aut ebriosus aut rapax cum eiusmodi nec cibum sumere

1 Corinthians 5:12

quid enim mihi de his qui foris sunt iudicare nonne de his qui intus sunt vos iudicatis

1 Corinthians 5:13

nam eos qui foris sunt Deus iudicabit auferte malum ex vobis ipsis